Doyði av fallinum

Ein syrgilig hending fór fram í Hoyvík í nátt. Ein ungur maður varð funnin og staðfestur deyður undir Kúrbergi.

Málið verður kannað og óvist er, hvat er hent.

Leitað varð eftir 19 ára gamla manninum og løgreglan kom upp í leikin. Við Kúrberg funnu tey bil hansara, og seinni varð ungi maðurin funnin í fjøruni har. Fallið hevur verið einar 20 metrar.

Maðurin varð staðfestur deyður av fallinum.

Líksýn verður í dag, upplýsir løgreglan.

Avvarandi hava fingið boðini.