Drekkivatnið í Nólsoy er reint aftur

Mikudagin boðaði Tórshavnar kommuna frá, at óreinsað vatn varð staðfest í rørskipanini í Nólsoy. Orsøkin var eitt streymslit, sum hevði verið náttina fyri.

Í hesum sambandi heitti kommunan á nólsoyingar um at kóka vatnið, men tað er ikki neyðugt longur.

Drekkivatnið í Nólsoy er reint aftur, vísa vatnroyndir, sum vórðu tiknar í gjár, hósdagin 24. februar.