Dronur skotnar niður í Russlandi

Í nátt vórðu 35 dronur skotnar niður í Russlandi.

Dronurnar vórðu skotnar niður í átta ymiskum landslutum, m.a. vórðu fýra dronur skotnar niður í økinum kring høvuðsstaðin Moskva, upplýsir borgarstjórin í býnum sambært Reuters.

Eldur kyknaði í einum oljureinsiverki, tá ein drona datt niður í býnum Slavjansk, sum liggur í Krasnodar-landslutinum.

Sambært russiskum myndugleikum var talan um "royndir hjá Kyiv-stýrinum at fremja yvirgangsatsóknir", skrivar DR.