Dronur yvir Russland og Ukraina í nátt

Bæði Ukraina og Russland boða frá fleiri álopum í nátt og í morgun.

Ukrainski herurin boðar frá dronuálopum móti m.a. høvuðsstaðnum Kyiv, og upplýst verður, at 59 av 116 dronum vórðu skotnar niður ymsastaðni.

Fleiri íbúðarbygningar vórðu raktir, og í minsta lagi eitt sivilfólk hevði fingið skaða.

Í morgun vórðu tvey sivilfólk dripin og 15 særd í einum rakettálopi í Zaporisjsja, skrivar Reuters

Sambært russiska verjumálaráðnum, eru 18 ukrainskar dronur skotnar niður í nátt.

11 av dronunum vórðu skotnar niður yvir Rostov-landslutin, meðan restin vórðu skotnar niður yvir Bryansk, Kursk, og Orjol.

Í fráboðanini frá russiska verjumálaráðnum er ikki boðað frá nøkrum særdum, skrivar DR.