Drúgvar tingingar í Brússel ikki komnar á mál

Kabalan um hvussu leiðslan í ES skal mannast er enn ikki loyst eftir at toppfundur byrjaði í Brússel í gjárkvøldið.

Talan er um triðja fundin síðan valið til ES-tingið í mai mánaði um hvør skal sita í teimum mest týðandi sessunum í ES.

Stats- og stjórnarleiðararnir í ES-londunum hittust um nátturatíð í gjárkvøldið, og tíðliga í morgun vóru framvegis samráðingar millum ES-forsetan Donald Tusk og fleiri av stjórnarleiðarunum, skrivar Ritzau.

Sagt verður, at Donald Tusk hevur gingið við eini ætlan, sum ber í sær, at hollendski sosialdemokraturin, Frans Timmermans skal verða nýggjur formaður fyri ES-nevndini.

Men tað uppskotið ganga fýra eysturevropeisk lond ikki við til, teirra millum Poland og Ungarn.

Timmermans er núverandi næstformaður í ES-nevndini og í hesum starvi hevur hann funnist at serliga Polandi og Ungarn fyri ikki at hava livað upp til felags virðir og krøv hjá ES, eitt nú innan rættarvaldið.