Dynamit-løta á Mentanarnáttini á Tvøroyri

– Ofta verður sagt, at okkurt tónleikatiltak verður eitt satt brak, men á Mentanarnáttini á Tvøroyri, fríggjadagin hin 29. mai, er hetta ein sannroynd, tí eingin mætari mr Dynamit himself, Niclas Heri Jákupsson verður at hoyra og síggja, saman við superbólki sínum, á stóra pallinum í miðbýnum.

Soleiðis skrivar Tvøroyrar kommuna í tíðindaskrivi.

– ØLL kenna løgini hjá Dynamit og teirra legendarisku framsførslur. Tey, ið eru eitt sindur upp í árunum, minnast mangar góðar løtur í gamla TB-húsinum, har Niclas Heri og Dynamit framførdu, men í ár sleppa vit so aftur at hoyra alt tað góða frá Niclas Hera og bólkinum.

Dynamit er kendur fyri løg sum m.a. "Grøv nr. 13", "Pápi tín býr ei í Tórshavn", "Til allar kvinnur" og "Á, lat meg vera".

Bólkurin er samansettur av:

• Niclas Heri Jákupsson - Sang
• Magni Husgaard - Tangentar
• Jóhan Ziskason - Guitar
• John Johansen - Bass
• Henning Hjalt Nicodemussen – Trummur