Eddie van Halen deyður

Amerikanski rokkgittaristurin Eddie van Halen er deyður, 65 ára gamal.

Hesum boðaði sonur Eddie, Wolfgang van Halen, frá í einum boðum á Twitter í dag:

pic.twitter.com/kQqDV7pulR

— Wolf Van Halen (@WolfVanHalen) October 6, 2020

Edward Lodewijk van Halen var føddur í Amsterdam í Hollandi í 1955, men flutti til Kalifornia saman við familjini í 1962.

Pápin var tónleikari, og Eddie og stóribeiggin Alex lærdu eisini skjótt at spæla ljóðføri. Teir báðir stovnaðu rokkbólkin Van Halen í 1974 saman við sangaranum David Lee Roth og bassleikaranum Michael Antony.

Eddie á gittara og Alex á trummum vóru úrmælingar hvør á sínum øki. Tað prógvar eitt nú størsta hittið hjá Van Halen, Jump, har brøðurnir vísa síni kynstur á høgum støði.

Eddie van Halen hevur í longri tíð verið meint raktur av krabbameini.