Edith Samuelsen er nú mennari í Vágs kommunu

Í desember 2024 søkti Vágs Kommuna eftir einum sonenvdum mennara. Talan er um eitt nýtt starv í kommuni.

Í starvslýsingini stóð millum annað, at mennarin skal skapa nørandi karmar fyri vinnulívið í Vága kommunu og tryggja, at kommunalar tænastur eru viðkomandi. Nýggja starvsfólkið skal eisini verða ein týðandi viðspælari á ferðavinnuøkinu

Nú er greitt, at talan er um Edith Samuelsen. Vágs Kommuna skrivar á heimasíðu sínari, at hon er sett í starvið, sum samanlagt átta fólk søktu.

Edith Maria Samuelsen er nýútbúgvin. Hon hevur lokið prógv í marknaðarførslubúskapi í jústa farna mánaða - januar 2025.

Edith er eisini handilslærd og hevur drúgvar royndir frá vinnulívinum í Vági, har hon hevur staðið fyri handilsmiðstøðini Torgið.

Mennarin byrjaði í starvinum mánadagin 3. februar, upplýsir Vágs kommuna.