Eftirskúlar hittast og læra av hvørøðrum

Fríggjadagin vitjaði eftirskúlin Brúgvin í Skálavík Suðuroynna. Tey vóru runt í oynni ,og seinnapart løgdu tey leiðina fram við næmingaheimi hjá Føroya Eftirskúla á Tvøroyri.

Borðreitt var við onkrum góðum ,og aftanaá sluppu næmingarnir at hitta hvønnannan og blivu víst runt á sjálvum næmingaheiminum.

Í oktober mánaði í 2020 vóru næmingar frá Føroya Eftirskúla á stuttari vitjan í Skálavík, og hugdu eftir skúlanum har.

Skúlaleiðarnir báðir høvdu nokk at práta um, nú tveir eftirskúlar eru settur á stovn í Føroyum, og kunnu leiðarnir fáa nógv burturúr við at samskifta við hvønnannan um hesa nýggju og spennandi tíð í føroyskari skúlasøgu.

Eftir ein stuttan og hugnaligan støðg fóru næmingarnir frá skúlanum í Skálavík víðari á teirra kanningarferð á okkara syðstu oyggj, og vóru leiðarninr samdir um at halda sambandið við líka á hvørjum ári framyvir, og ikki minst læra av hvørjum øðrum.