Eftirvalskanning: 64 prosent vistu hvønn flokk tey fóru at velja, áðrenn valstríðið byrjaði

Í sambandi við løgtingsvalið hava næmingar í Lítlaskúla í Havn arbeitt við evnum sum fólkaræði, floksskipan, valstríð og veljaraatburði.

Fyri at vita hvussu atburðurin hjá veljarum er, gjørdu eldru næmingarnir eina eftirvalskanning, har fólk vórðu spurd, tá tey høvdu verið og valt í Høllini á Hálsi.

Fólk vórðu m.a. spurd, nær tey gjørdu endaliga av, hvønn flokk og hvat valevni, tey fóru at velja, og um tey valdu tað sama, sum tey gjørdu, seinast tey vóru á løgtingsval.

Í kanningini luttóku 257 fólk - 150 kvinnur, og 107 menn.

64 prosent søgdu seg hava avgjørt, hvønn flokk tey fóru at velja, áðrenn valstríðið byrjaði, og tá høvdu 42 prosent eisini avgjørt, hvat valevni, tey fóru at velja.

Trýst her fyri at síggja øll høvuðsúrslitini frá kanningini.