Innanlands

Eiðis kommuna tekur ikki fyri ansing í jólamánaðinum

Skattaprosentið verður tað sama og barnafrádrátturin hækkar við 500 krónum

Korndalsgarður

Korndalsgarður

2022-12-01 11:50 Author image
Ingi Samuelsen
placeholder

Á bygdaráðsfundinum hjá Eiðis kommunu mánakvøldið var fíggjarætlanin fyri komandi ár endaliga samtykt.

Her varð gjørt av at skattaprosentið verður verandi á 18,75, sum er millum lægstu prosentstig í landinum.

Harafturat var avgjørt at hækka barnafrádráttin við 500 krónum upp í 8.000 krónur.

Eisini var bygdaráðið samt um, at fyri desember mánað í ár verður barnagarðsgjaldið strikað. Soleiðis fáa foreldur at børnum í Korndalsgarði, Alduni og Spíranum eina jólagávu frá Eiðis kommunu, skrivar kommunan á heimasíðuni. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder