Ein av manningini druknaður

Bjargingarbáturin Idar Ulstein á staðnum, har Naddoddur holvdi (Upptøka: Redningsselskapet)

--

Naddoddur sendi fyrr í kvøld út neyðarkall út fyri Stad í Norra. Seksæringurin hevur síðani leygardagin verið á veg til Ålesund av Tvøroyri.

Tað er ringt veður á leiðini, har Naddoddur var staddur tá hann holvdi. 

Men fimm fólk eru bjargað.

MRCC váttar fyri Kringvarpinum, at norska sjóverjan hevur lokaliserað øll seks fólkini, og at tann sætti lá undir bátinum, druknaður. Hini fimm vóru bjargað, og hava tað gott kropsliga. Tey eru flutt til Florø, og fáa sálarliga hjálp.

Enn royna bjargingarbátar og tyrlur at fáa sætta persónin til lands. Men tað er blivið myrkt, og aldan er høg og vindurin er nógvur.

(Kort: Bergens Tidende)

Helgi Enni tók hesa myndina tá Naddoddur byrjaði ferðina leygardagin