Ein dripin og tíggju særd á finskum skúla

Tíggju fólk vórðu særd og ein lat lív undir einum álopi á einum yrkisskúla í finska býnum Kuopia í dag.

Sambært TV2 er viðkomandi, sum er undir illgruna fyri at hava framt álopið handtikin.

Finska løgreglan boðar frá, at talan er um ein mann við finskum ríkisborgaraskapi. Eisini sigur løgreglan, at maðurin hevði eitt skotvápn uppiá sær umframt okkurt, sum líktist einum svørði.

Hetta samsvarar við frágreiðingum hjá eygnavitnum, og sambært finskum miðlum fór maðurin inn í eina skúlastovu við svørðinum.

Tey særdu eru koyrd á sjúkrahús.