Ein fekk bót og tvey fingu klipp

Fyrrapartin í gjár var løgreglan úti og kannaði ferðsluna Í Vágum, og í hesum sambandi vórðu fleiri mál skrivað, upplýsir vaktleiðarin á løgreglustøðini í Havn.

Tá løgreglan kannaði ferðsluna við skúlan í Sørvági fingu tveir bilførarar klipp, tí teir koyrdu við børnum, sum ikki vóru rætt íbundin.

Eisini gjørdi løgreglan ferðmátingar í Vágatunlinum, og har var ein bilførari tikin fyri at koyra ov skjótt. Hann koyrdi 100 kilometrar um tíman, hóast mest loyvda ferðin er 80, og tað fær hann bót fyri.