Eigararnir eru teir somu, sum eiga tann frammanundan umrødda Ford Galaxie'in, brøðurnir Eyðun og Gudfinn Jespersen og pápi teirra, Finn. Allir tríggir búgva á Tvøroyri.
Pápin, Finn Jespersen, hevur sambært synunum altíð sjálvlærdur skrúvað, og synirnir hava gingið aftan á honum.
Áhugin fyri bilum yvirhøvur beindi teir vestur í Vágar til Dánjal Paula Poulsen, sonur tann navnframa Hans Elmar Poulsen í Vatnsoyrum við tí serstakliga ríka veteranbilasavninum, sum Dánjal Pauli nú eigur.
- Jeg minnist, at tá ið okur fóru vestur at hyggja at bilinum, føldi okur, at hann var harður og ringur at koyra við og alt hetta her, so bleiv ein lítil diskussión um hetta her við pengunum. Jeg ringi suður til pápa mín og fortelji hetta her. Hann sigur: "Altso, tavagud, jeg skíti á tað!" Um hann so bara stendur til pynt, so legði hann einki í tað. Hann vildi og skuldi hava bilin suður.
Vinarliga broyt tínar kennifíla - og privatlívsstillingar fyri at síggja hetta innihald