Ein fráboðan um vindskaða í nátt

Nógvur vindur hevur verið í nátt, og í hesum sambandi hevur løgreglan eisini fingið eina fráboðan um vindskaða tíðliga í morgun.

Tað var klokkan hálvgum fimm, at tey fingu boð um, at nakrar stórar takplátur vóru farnar í vindinum í Vestmanna.

Vakthavandi á politistøðini sigur, at fólk vórðu send á staðið at meta um skaðan, men hann var ikki stórur. Ein bilur fekk eitt sindur av skaða, men eingin fólkaskaði var.