Ein innlagdur av koronu - næstan sjey prosent av fólkatalinum positiv í løtuni

Tað er í dag bara ein persónur innlagdur í Sjúkrahúsverkinum av koronu. Samlaða talið á fólki innløgd við koronu er fimm, men hini fýra eru innløgd av aðrari orsøk, men eru testað positiv.

727 nýggir smittutilburðir vóru staðfestir í gjár, og 379 vórðu staðfest frísk aftur.

Stóru smittutølini seinastu dagarnar hava við sær, at vit nú eru komin upp á 3716, sum eru positiv í løtuni. Tað er næstan sjey prosent av fólkatalinum. Síðani ársskiftið eru 6584 tilburðir staðfestir í Føroyum. Tað merkir, at 12 prosent av fólkatalinum hevur ella hevur havt koronu í ár.

5163 kanningar vórðu gjørdar í gjár.