Í gjár, mánadagin 10. mai, vórðu 849 fólk koppsett á teimum trimum sjúkrahúsunum. 788 fólk fingu fyrra prikið og 61 tað seinna.
Harvið hava 17.684 fólk fingið fyrru koppsetingina í Føroyum, og 6.684 fólk hava fingið seinnu koppsetingina og eru harvið liðugt koppsett. 24.368 koppsetingar eru gjørdar í Føroyum, skrivar corona.fo.
Heimasíðan skrivar eisini, at hildið verður fram at koppseta til og við leygardagin, men tað eru ikki fleiri tíðir eru tøkar til koppseting í løtuni. Nýggj sending við koppingarevni kemur ætlandi miðskeiðis í næstu viku.
Koppsetingarætlanin heldur ikki
- Danska heilsustýrið hevur boðað frá, at koppsetingarætlanin heldur fram uttan koppingarevnini frá AstraZeneca og Johnson&Johnson. Hetta hevur við sær, at koppsetingarætlanin er longd í nakrar vikur til síðst í august
Hesum hevur koppsetingarbólkurin í dag boðað frá í sínari triðju støðulýsing.
Hóast seinkanina fegnast koppsetingarbólkurin um, at tað gongur væl at koppseta í Føroyum. At starvsfólkini fáa heilar sjey skamtar burturúr hvørjum glasi, ger eisini mun. Higartil hevur høga gagnnýtslan havt við sær, at umleið 3.000 fleiri koppsetingar eru framdar, í mun til at seks skamtir høvdu komið burturúr hvørjum glasi.
Í løtuni er latið upp fyri koppseting í aldursbólki 10.2 - tað eru øll, sum eru 45 ár ella eldri.
- Í løtuni verður arbeitt við at víðka kunngerðina um ókeypis koppseting fyri COVID-19, soleiðis at hon eisini fevnir um føroyingar undir útbúgving uttanlands og útlendingar, sum eru staddir í Føroyum í longri tíð. Eftir ætlan fáa hesi tilboð um koppseting saman við aldursbólkinum, tey hoyra til.
Vinarliga broyt tínar kennifíla - og privatlívsstillingar fyri at síggja hetta innihald