Ein koyrdi ávirkaður og tveir koyrdu ov skjótt

Seinasta náttin hevur sum heild verið friðarlig, men tá løgreglan kannaði ferðsluna í Eysturoynni, vórðu fleiri mál skrivað, verður upplýst av politistøðini í morgun.

Ein bilførari varð tikin fyri rúsdrekkakoyring, og í Søldarfirði vórðu tveir aðrir tiknir fyri at koyra ov skjótt.

Tann eini bilførarin fekk eitt klipp í koyrikortið, og hin fær eina treytaða frádøming, ið merkir, at hann skal upp til nýggja koyriroynd.