Ein nýggjur tilburður – 11 afturat staðfest frísk

Í gjár varð ein nýggjur smittutilburður staðfestur, vísa nýggjastu tølini hjá landslæknanum. Viðkomandi er partur av kendari smittuketu, verður upplýst.

Síðan í gjár eru 11 persónar eisini staðfestir frískir aftur, og sostatt minkar talið á smittaðum í løtuni niður í fimm.

Tilsamans 761 persónar hava fingið staðfest smittuna í Føroyum, og 755 eru staðfestir frískir aftur. Ein persónur er deyður við koronu í Føroyum. 47 eru í sóttarhaldi.

1073 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú 297.359 kanningar gjørdar í Føroyum.