Ein nýggjur tilburður í gjár

Í gjár varð ein persónur staðfestur smittaður við koronu. Talan er um persón, sum hevur verið uttanlands, og sum varð staðfestur smittaður við kanning á fjórða degi.

Sostatt fer talið á smittaðum aftur upp á seks, og samlaða talið á staðfestum tilburðum í Føroyum upp á 670, skrivar corona.fo.

Av teimum, sum hava fingið staðfest smittuna, eru 663 staðfestir frískir aftur. Ein er deyður við koronu í Føroyum.

Í gjár vórðu 484 kanningar gjørdar, og allar kanningarnar eru liðugt greinaðar. Tilsamans eru nú gjørdar 259.493 kanningar í Føroyum.

Í løtuni eru 68 persónar í sóttarhaldi.