Ein nýggjur tilburður í gjár

Í gjár var ein nýggjur smittutilburður staðfestur í Føroyum, vísa nýggjastu tølini hjá landslæknanum. Talan er um ein tilburð, sum er frá kendari smittukeldu.

Hetta merkir, at 29 persónar eru staðfestir smittaðir í løtuni.

Nú hava tilsamans 757 persónar fingið staðfest smittuna í Føroyum, og 727 teirra eru staðfestir frískir aftur. Ein persónur er deyður við koronu í Føroyum.

662 kanningar vórðu gjørdar seinasta samdøgrið, og allar eru liðugt greinaðar. Tilsamans eru nú 293.309 kanningar gjørdar í Føroyum, skrivar corona.fo.