Ein nýggjur tilburður í gjár

Í gjár varð ein nýggjur smittutilburður staðfestur, vísa nýggjastu tølini hjá landslæknanum.

Talan er um ein persón, sum fekk staðfest smittuna við komu til Føroya.

Sjey persónar afturat eru eisini staðfestir frískir aftur, og sostatt er talið á smittaðum í løtuni nú 14.

1.044 kanningar vóru gjørdar seinasta døgnið. 46 persónar eru í sóttarhaldi.