Ein persónur staðfest covid-19 í gjár

Í gjár varð ein persónur staðfestur positivur fyri covid-19, vísa nýggjastu tølini hjá Landslæknanum.

Tann smittaði býr í Føroyum. Viðkomandi er avbyrgdur, og Landslæknin er í gongd við smittusporingina, skrivar corona.fo.

Tilsamans hava nú 547 persónar fingið staðfest smittuna í Føroyum, av teimum eru 518 persónar staðfestir frískir aftur, og sostatt eru 29 persónar smittaðir í løtuni.

Tveir persónar eru í løtuni innlagdir á Sjúkrahúsverki Føroya í sambandi við covid-19. 70 eru í sóttarhaldi.

Í gjár vórðu 969 kanningar gjørdar, og allar kanningarnar eru liðugt greinaðar. Tilsamans eru 184.931 kanningar gjørdar í Føroyum.