Ein rendi á og ein koyrdi út av

Seinasta samdøgrið eru tvey ferðsluóhapp fráboðað.

Fyrrapartin í gjár, stutt fyri klokkan 11, var eitt ferðsluóhapp á Tvøroyri, har ein bilur rendi á ein annan bil, sum stóð parkeraður.

Bilarnir fingu eitt sindur av skaða, og førarin varð koyrdur á sjúkrahúsið, men hann hevur ikki fingið álvarsligan skaða.

Stutt fyri klokkan tvey í nátt var eisini eitt ferðsluóhapp í Sørvági, har eitt prutl fór út av vegnum.

Førarin fór á sjúkrahúsið, men heldur ikki hann fekk nakran álvarsligan skaða, sigur vaktleiðarin á løgreglustøðini í Havn, sum leggur afturat, at náttin annars hevur verið rættiliga friðarlig.

Nógv fólk hava verið í býnum, men tey hava skikkað sær væl, sigur hann.

Tó var ein persónur skuldsettur fyri brot á skilhaldsreglurnar beint aftaná midnátt. Hann vísti løgregluni longutong, og tað fær hann eina bót fyri.