Ferðamátingar vórðu gjørdar í Eysturoynni í gjár, týsdagin 24. august, og har tók løgreglan nógvar bilførarar.
Seks koyrdu ímillum 70 og 77 kilometrar um tíman í bygdum øki, og hetta gevur eina bót. Teir ið koyrdu yvir 70 kilometrar um tíman fáa eisini klipp í koyrikortið. Ein bilførari fekk eisini bót og klipp fyri at koyra nakað yvir 100 kilometrar um tíman.
Upplýst verður eisini, at tríggir aðrir bilførarar í Eysturoynni fingu bót av øðrum orsøkum.
Eitt lítið ferðsluóhapp var í Sandoynni í morgun, tá ein bilur koyrdi út av. Talan var um eitt soloóhapp - bilførarin varð koyrdur á Landssjúkrahúsið til kanningar.
Vinarliga broyt tínar kennifíla - og privatlívsstillingar fyri at síggja hetta innihald