Ein tikin fyri at koyra ávirkaður

Í nátt hevði løgreglan eitt málrættað átak móti rúsdrekkakoyring í miðstaðarøkinum, og í hesum sambandi varð ein bilførari tikin fyri at koyra ávirkaður.

Annars hevur talan verið um tað, sum vakthavandi á politistøðini kallar eitt typiskt leygarkvøld. Nógv fólk hava verið í býnum, men tey hava skikkað sær væl.

Har hava verið onkrar smávegis ósemjur, sum løgreglan mátti leggja seg uppí, og eisini varð løgreglan boðsend í sambandi við húsaófrið í miðstaðarøkinum, men annars hevur verið heilt friðarligt.