Ein týdningarmikil integratiónsfilmur

“A Faraway Land” eitur ein filipinskur filmur, sum nú kann síggjast á stóru nettænastuni Netflix.

Filmurin er upptikin í Føroyum undan jólum í fjør, og snýr seg um filipinanar, filipinskar kvinnur, sum búgva í Føroyum.

Filmurin er bæði fiktivur og dokumentariskur, tí hann snýr seg um kvinnuna Majoy Garðalíð (Yen Santos), sum er gift við Sigmundi (Hans Tórgarð). Tey búgva í prestagarðinum í Sandagerði.

Filmurin viðgerð umstøðurnar hjá fremmandum í Føroyum, og við tað, at Majoy fær vitjan av einum journalisti heiman úr Filipsoyggjum, sum skal gera ein dokumentar í Føroyum, gerst filmurin eisini dokumentariskur.

Veronica Velasco, sum hevur gjørt filmin, hevur fyrr gjørt líknandi filmar, úr Grønlandi og Íslandi.

Birgir Kruse hevur hugt at filminum og skrivað eitt ummæli á bloggi sínum Birkblog.

Kann kallar filmin ein týdningarmiklan integratiónsfilm, tí tað bert er gjøgnum slíkar filmar, at vit føroyingar – og eisini útlendingar – fáa ein varhuga av, hvussu tað er at vera útlendingur í Føroyum.

Í ummæli sínum kemur Birgir Kruse eisini inn á føroyska flóttafólkakjakið, og serliga inn á hugburð løgmans um, at vit føroyingar ikki skulu taka ímóti flóttafólki herheima.

Les ummælið her