Eindarlistin og Alternativið eru stuðulsflokkar

Flokkarnir Enhedslisten og Alternatyvet, ytst á vinstraveinginum í donskum politikki, eru stuðulsflokkar hjá nýggju stjórnini hjá Mette Frederiksen.

Seinnapartin kl. 15 føroyska tíð fera stjórnarflokkarnir at kunngera grundarlagið undir stjórnini - samgonguskjalið – á tíðindafundi.

Alternativið hevur nú váttað fyri Ritzau, at flokkurin saman við Eindarlistanum er stuðulsflokkur hjá stjórnini.

Stjórnarflokkarnir, sosialdemokratarnir, SF, moderatarnir og tey Radikalu skipa stjórn við 82 sessum á fólkatingi eftir valið 24. mars. 179 sessir eru á fólkatingi, so tað krevur 90 fyri at hava meiriluta.

Fyri ikki at fáa meiriluta ímóti sær hevur fýraflokkastjórnin tí brúk fyri stuðli frá øðrum flokkum. Tað fáa tey nú frá teimum 11 hjá Eindarlistanum og 5 hjá Alternativinum.

Les eisini: Samgonguskjalið verður klárt seinnapartin