Eingin Býarskái í Runavík í ár

Upprunaliga skuldi Býarskáin í Runavík verið hildin komandi vikuskiftið, men orsakað av koronustøðuni varð Býarskáin fluttur til vikuskiftið 13. og 14. november.

Men nú ilt er at meta um heilsuligu útlitini – hava fyrireikararnir gjørt av, at ongin Býarskái verður í ár.  Hetta verður gjørt fyri at verja allar partar í høpinum – handilslívið, fyrireikararnar og vitjandi. 

Tá ið bilbukt fæst við farsóttina aftur, verður stóra jólasølan í Runavíkarøkinum. Tað kunnu vit øll gleðast um, sigur Visit Runavík.

Jólatiltøkini verða lýst á heimasíðuni hjá Visit Runavík.