Eingin fingið staðfest covid-19 í seks dagar

Nú hevur eingin í Føroyum fingið staðfest covid-19 í seks dagar, vísa nýggjastu tølini hjá Landslæknanum.

Talið á persónum, sum hava fingið staðfest smittuna í Føroyum, stendur sostatt framvegis í stað.

658 hava fingið staðfest covid-19 í Føroyum, og 655 teirra eru staðfest frísk aftur. Ein persónur er deyður við covid-19 í Føroyum, og sostatt er talið á positivum í løtuni framvegis tvey.

Bert 76 kanningar vórðu gjørdar í gjár, og nú eru tilsamans 229.423 kanningar gjørdar í Føroyum.

Eingin persónur er í løtuni innlagdur á Sjúkrahúsverki Føroya í sambandi við covid-19, og sjey eru í sóttarhaldi.