Eingin nýggjur tilburður í gjár

Sambært nýggjast hagtølunum á corona.fo, varð eingin tilburður staðfestur hósdagin.

895 kanningar vórðu gjørdar í gjár, og allar eru liðugt greinaðar.

Støðan er framvegis tann, at 472 tilburðir eru staðfestir í Føroyum. Nú eru 432 fólk staðfest frísk aftur, og tað merkir, at 40 fólk eru smittað í løtuni.

Tilsamans eru nú 132.025 kanningar gjørdar í Føroyum.

198 fólk eru í sóttarhaldi, og eingin er innlagdur.