Eingin smittutilburður í gjár

Eftir tveir dagar við fleiri nýggjum smittutilburðum, varð ongin nýggjur smittaður staðfestur í Føroyum í gjár.

Tað vísa nýggjastu upplýsingarnir frá landslæknunum á corona.fo. Talið á smittaðum í dag er sostatt tað sama sum í gjár – 16.

997 kanningar vórðu gjørdar í gjár, sum allar nú eru liðugt greinaðar. Í alt eru 174.047 kanningar nú gjørdar.

Tilsamans hava nú 519 persónar fingið staðfest smittuna í Føroyum. Í alt eru 503 persónar staðfestir frískir aftur.