Eingin staðfestur positivur í gjár

Í gjár varð eingin staðfestur positivur fyri covid-19, vísa nýggjastu tølini hjá Landslæknanum.

415 kanningar vórðu gjørdar í gjár, og allar kanningarnar uttan ein eru liðugt greinaðar. Tilsamans eru nú 225.960 kanningar gjørdar í Føroyum.

Samlaða talið á staðfestum tilburðum í Føroyum er sostatt framvegis 657, og 652 eru staðfestir frískir aftur. Higartil er ein persónur deyður við covid-19 í Føroyum.

Sostatt eru framvegis fýra persónar smittaðir í Føroyum í løtuni, og ein teirra er innlagdur á sjúkrahúsi. 19 persónar eru í sóttarhaldi.