Eingin stórvegis fólkaskaði í morgun

Eingin stórvegis fólkaskaði var í teimum báðum ferðsluóhappunum í morgun, tó var nakað av materiellum skaða.

Fyrst koyrdi ein bilur útav á Oyggjarvegnum sunnanfyri Mjørkadali, og síðani var eitt víkiskylduóhapp við Brúnna um Streymin.

Í fyrra óhappinum gleið bilurin í hálkuni og endaði á liðina, og ein av persónunum mátti hava hjálp at koma úr bilinum.

Báðir persónarnir í bilinum vórðu fluttir á Landssjúkrahúsið og eru síðani útskrivaðir aftur uttan nakran stórvegis skaða, segði løgreglan við Útvarpið á middegi.

Í seinna óhappinum vóru tveir bilar uppií, men eingin fólkaskaði var.