Í gjár varð eingin nýggjur smittutilburður staðfestur, vísa nýggjastu tølini hjá Landslæknanum.
Seinastu dagarnar hava millum fýra og seks nýggir tilburðir annars verið staðfestir á hvørjum degi. 832 kanningar vórðu gjørdar í gjár, og allar kanningarnar eru liðugt greinaðar. Tilsamans eru nú 277.192 kanningar gjørdar í Føroyum.
Umframt at eingin er staðfestur smittaður seinasta samdøgrið eru tveir persónar eisini staðfestir frískir aftur, og sostatt minkar talið á persónum, sum eru smittaðir í løtuni, niður í 46. 26 fólk eru eisini farin úr sóttarhaldi síðan í gjár, og eru nú 478 í sóttarhaldi.
Tilsamans 718 persónar hava fingið staðfest smittuna í Føroyum, harav eru 671 persónar staðfestir frískir aftur. Ein persónur er deyður við koronu í Føroyum.
Vinarliga broyt tínar kennifíla - og privatlívsstillingar fyri at síggja hetta innihald