Einki jólaskip í Runavík í morgin

Ein hugnalig løta skuldi verða í Runavík í morgin, leygardagin 11. desember klokkan 15, tá jólaskipið við jólamonnum og øllum, sum har til hoyrir, skuldi leggja at.

Men nú er tiltakið fyribils útsett. Tað skrivar Runavíkar kommuna á heimasíðu sínari seinnapartin.

Tað verður ikki gjørt greitt, hví tað er útsett, ella nær jólaskipið kemur ístaðin, men nærri kunning kemur seinni, boðar Runavíkar kommuna frá.