Einki røkist fyri løgmanseffekt

Hóast Bárður á Steig Nielsen hevur sitið sum Føroya løgmaður í út móti tveimum árum skjótt, so er onki, sum bendir á, at vaksandi undirtøka er fyri honum sum løgmansevni – heldur tvørturímóti.

Tað er framvegis nógv flestir føroyingar, sum vilja hava formann Javnaðarfloksins, Aksel V. Johannesen at vera løgmaður.

Veljarakanningin, sum Spyr.fo gjørdi fyri Blaðið Vikuskifti í undanfarnu viku vísir, at sitandi løgmaður ikki fær nakran fyrimun av sokallaðu løgmanseffektini, sum ofta hevur verið galdandi – hetta við, at sitandi stjórnarleiðari hevur ein fyrimun í kappingini við hinar biðlarnar til embætið.

Sigast skal tó, at undirtøkan hjá hvørki núverandi ella fyrrverandi løgmanni, er eins stór og hon fyrr hevur verið, men framvegis eru tað bert hesir báðir, sum eru veruligir biðlar til løgmanssessin.

Ein góður triðingur av Føroya fólki, 34,8 prosent, halda, at Aksel V. Johannesen skal vera løgmaður eftir næsta løgtingsval.

Øll greinin kann lesast ókeypis í Blaðnum Vikuskifti her