- Í fleiri ártíggju var veruleikin í Føroyum tann, at sjúklingar vórðu sendir til Danmarkar fyri at fáa viðgerð fyri sjúkur.
Høvuðspersónurin í einrøðuleikin “Kom bara inn, eg skal ikki gráta” hevur Calve Perthes, ein mjadnasjúka, ið kann hava við sær, at sjúklingurin fær álvarsligar rørslutrupulleikar, um ikki sjúkan verður viðgjørd alt fyri eitt, tá hon verður uppdagað.
Einrøðuleikurin, sum setir fokus á hetta viðkvæma evnið, verður sýndur í Mentanarhøllini mikukvøkdið 27. apríl.
Hugskotið til hann stavar frá klaksvíkinginum Jógvani Andrias Joensen, sum sjálvur fekk staðfest sjúkuna í 1963, og sum 3 ára gamal varð sendur á Refsnes í Kalundborg, har hann varð innskrivaður í meira enn 2 ár.
- Føroyingar við nevndu sjúku og familjur teirra, hava ivaleyst havt ymsar avbjóðingar. Lítið er granskað á hesum øki, so vit vita lítið um hvørji hjáárin stóðust av, at smábørn vórðu send burtur.
Tað er Ria Tórgarð, ið hevur skrivað leikritið. Ria eigur eisini hugskot til pallsetanina, og hon leikstjórnar einrøðuleikurin
Heimasíðan hjá Eiðis kommunu skrivar, at sýningin mikudagin byrjar klokkan 20:00. Atgongumerki kunnu keypast her
Rættað: 20.35
Vinarliga broyt tínar kennifíla - og privatlívsstillingar fyri at síggja hetta innihald