Eisini spanski kongurin er smittaður

Koronasmittan hevur av álvara funnið veg inn í evropeisku kongshúsini.

Í morgun boðaði danska kongshúsið frá, at 81 ára gamla Margreta II drotning, sum í ár hevur sitið 50 ár á trónuni, er vorðin smittað við korona.

Les: Margreta drotning fingið koronu

Í dag kundi spanska kongshúsið so boðað frá, at eisini 54 ára gamli Felipe VI kongur er testaður positivur. Eins og skyldkonan í Keypmannahavn (Felipe og Margrete eru bæði eftirkomarar av Victoria drotning í Onglandi) er bert talan um veik sjúkueyðkenni, verður sagt.

Spanski kongurin varð testaður positivur í morgun, eftir at hann kendi seg illa í gjárkvøldið.