Eitt ár síðan álopið á Ísrael: Minningarhald í Løkshøll

Í kvøld klokkan 19.30 verður minningarhald í Løkshøll í Runavík í sambandi við, at tað í dag er eitt ár síðan Ísrael var álopið av Hamas.

Umleið 1.200 fólk vórðu dripin, og 251 fólk vórðu tikin til gísla 7. oktober 2023. Eitt ár seinni verður mett, at 101 gíslar framvegis eru í Gaza.

Á tiltakinum í Løkshøll í kvøld luttekur miðeysturtíðindamaðurin, Jotam Confino á stórskíggja beinleiðis úr Tel Aviv. Jotam er m.a. regluliga tíðindamaður hjá heimsins stóru tíðindastovunum eins og BBC og CNN.

Eisini verður sangframførsla, stutt innsløg við ymiskum fólkum, og beinleiðis stroyming. Eftir tiltakið, sum er ókeypis, er drekkamuður.

Fyriskiparar av minningarhaldinum eru Vinafelagið Føroyar- Ísrael, ICEJ Føroyar og Ísraelsmissiónin.