Alda Nielsdóttir
Ein broyting verður í sambandi við teimum seks útseldu jólakonsertunum, sum skulu vera í Reinsarínum miðskeiðis í desember.
Á skránni vóru framførslur við Eivør, Marius Ziska og Greta Svabo Bech, men í dag kemur Tórsgøta við keðiligum boðum. Eivør fær ikki luttikið kortini.
Eivør fær ikki luttikið á jólakonsertunum orsakað av nýggjastu tilmælunum, boðar Tórsgøta frá, men kortini koma tvey nýggj nøvn afturat í staðin.
– Nú koma tey góðu tíðindini. Tað er nemliga soleiðis í Føroym, at vit eru eyka forkelaði, tá talan er um fantastiskar sangarar. Og í tí sambandinum hevur tað eydnast at fáa bæði Lenu Anderssen OG Son of Fortune (Benjamin Petersen) í staðin.
Sostatt verður talan um jólakonsertir við Marius Ziska, Gretu Svabo Bech, Son of Fortune, og Lenu Anderssen.
Tey, sum kortini ynskja at fáa atgongumerki endurgoldið, kunnu venda sær til fyriskipararnar á [email protected].
Vinarliga broyt tínar kennifíla - og privatlívsstillingar fyri at síggja hetta innihald