Eldur í bili á Skála

Klokkan 10.24 fekk løgreglan fyrstu fráboðanina um, at eldur var í einum persónsbili á Skála.

Vatkleiðarin á løgreglustøðini í Havn sigur, at nógvar fráboðanair komu inn. Tað var eisini týðiligt hvat hendi, tí so nógvur roykur kom frá bilinum.

Hann stóð á Skálavegi - nær við økið við Prestá uttarlaga á Skála. Bilurin stóð eisini tætt við eina garasju.

Talan var ikki um ein el-bil, upplýsir løgreglan.

Beint eftir klokkan 11 var eldurin sløkur. Eingin persónur fekk skaða, men bilurin kann ikki longur nýtast.

Illgruni er um, at eldurin kyknaði við motorúmið.