Eldur í bili í Havn

Beint eftir klokkan átta í morgun varð boðað frá eldi í einum vørubili á Grønlandsvegnum í Havn.

Nógvur roykur kom frá bilinum, men talan var um ein lítlan eld, sum kyknaði í motorrúminum.

Sløkkiliðið varð boðsent, og eldurin varð skjótt sløktur, sigur vaktleiðarin á løgreglustøðini í Havn.

Eingin fólkaskaði var, og sum skilst fekk bilurin eisini avmarkaðan skaða.