Eldur í bili í Leirvíkstunlinum

Dagføring kl. 12:22: Eldurin er júst sløktur, men enn er ikki koyrandi í Leirvíkartunlinum. Eitt fólk var í bilinum, tá eldur kom í, men slapp trygt úr bilinum. Bilurin varð staddur miðskeiðis í tunlinum tá eldur kom í. Gamli Leirvíkarvegurin er opin, men mælt verður frá at koyra har, tí nógv áarlop hava verið seinastu tíðina, og tí er vegurin illa farin.

--

Fyri fáum minuttum síðani fekk løgreglan fráboðan um, at eldur var komin í ein bil í Leirvíkstunlinum.

Sløkkiliðið er komið á staðið, men av politistøðini verður sagt, at tað í løtuni ikki er koyrandi gjøgnum tunnilin, og hann er stongdur.

Ógreitt er, um koyrandi er eftir gamla Leirvíksvegnum.

Av løgreglustøðini verður eisini sagt, at talan er ikki um ein el-bil.