Eldur í bingju á Eiði

Í nátt fekk løgreglan fráboðan um, at eldur sást á havnarlagnum á Eiði. Tað vísti seg at eldur var komið í eitthvørt sum lá upp ímóti einari bingju.

Sløkkiliðið var skjótt á staðnum og sløkti eldin.

Á politistøðini í morgun visti vaktleiðarin ikki at siga, um talan var um ásettan eld.

Í gjárkvøldið var eisini boðað frá royki í plantasjuni í Havn. Talan var um eitt lítið bál, sum bleiv sløkt, og so var friður har, sigur vaktleiðarin.