Eldur í City Church

(Upptøka: Listbeth Jensen)

--

Samkomubygningurin City Church í Havn hevur fingið stóran skaða í nátt. Hetta upplýsir vaktleiðarin á løgreglurstøðuni í morgun.

Tað var 00.18, at fráboðan kom um, at eldur var í City Church. Ein patrulja var beint við Tróndargøtu, og komin á staðið sást beinanvegin eldur á eystaru síðu av bygninginum. Talan var um tað, ið eitur opin eldur.

Sløkkiliðið kom eisini skjótt á staðið og var væl mannað. Sambært vaktleiðaranum var arbeiðið í fyrstu syftu liðugt nakað áðrenn klokkan tvey í nátt. 

Eingin persónur var beint við, tá eldur kom í City Church, og tískil er eingin mansskaði.

Spurningurin er so, hví hetta hendi, og tað skal nú kannast nærri. Løgreglan upplýsir í morgun, at eldurin kom áleið har frá, sum oljufýringin í bygninginum er.