Eldur í húsum í Havn

Í gjárkvøldið, um 18-tíðina, varð boðað frá eldi í einum húsum í Havn.

Sum skilst, var talan ikki um stóran eld, og vóru løgregla og sløkkilið skjót á staðið at sløkkja eldin.

Húsini hava fingið nógvan roykskaða, og ein persónur var fluttur á Landssjúkrahúsið til kanningar í gjár.

Enn veit løgreglan ikki at siga, hvussu eldur kom í húsini, men tað verður kannað í dag, sigur vaktleiðarin á politistøðini.