Uttanlands

Eldur í suðurafrikanska tjóðartinginum – tamarhald er á støðuni

Enn er ógreitt, hvussu eldur kom í, men løgreglan kannar málið – Tað kann taka nakrar tímar afturat at fáa eldin sløktan, verður upplýst

(Mynd: BBC)

(Mynd: BBC)

2022-01-02 10:35 Author image
Alda Nielsdóttir
placeholder

Sunnumorgunin kyknaði eldur í suðurafrikanska tjóðartinginum í Cape Town. Tað skriva fleiri miðlar í dag.

Hetta hendi uml. klokkan 5.30 lokala tíð, og nú, fleiri tímar seinni, hevur sløkkiliðið fingið tamarhald á eldinum, men sagt verður, at tað kann taka fleiri tímar afturat, áðrenn hann er heilt sløktur.

Ongar fráboðanir eru komnar um fólkaskaða. Tjóðartingið er í feriu í løtuni.

Fyrstu frágreiðingarnar góvu ábendingar um, at eldurin, sum kyknaði á triðju hædd, kyknaði á einari skrivstovu, og síðani spreiddi hann seg.

Enn er einki upplýst um, hvat kann hava verið orsøkin til, at eldur kom í, men løgreglan kannar málið, verður upplýst.

Suðurafrikanski tjóðartingsbygningurin í Cape Town er gamal – elsti partur av bygninginum er frá 1884. Nýggjasti parturin er frá 1980unum.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder