Eldur kom í borðplátu

Sløkkiliðið var væl mannað við eini sethús í Havn seinnapartin í gjár, tá eldfráboðan kom.

Tað vísti seg, at eldur var komin í eina borðplátu. Vaktleiðarin á politistøðini upplýsir í morgun, tað kom bara smávegis brandskaði á borðplátuna, og húsini fingu eitt sindur av roykskaða.

Sum skilst lá borðplátan inn yvir komfýrin, og av onkrari orsøk varð kókipláta tendrað, sum síðani gjørdi at eldurin kyknaði.

Eingin fólkaskaði stóðst av hendingini.